Tanti anni fa, durante le festi de Natale ji quatrani passeanu pe' la
casi cantenno ddu filastroche: agli 31 de dicembre ji zoffietegli e agli
5 de jennaru la pasquetta.
Ji me recordo che 'ste usanze se mantinniru finu agli primi anni 60, che
ji allora ero 'nu pupittu e lo fece 'nsieme a j'atri pe' cacche annu
ancora.
Quiji non eranu tempi de rascia e quistu era nu modo pe' portà
alligria pe' le vie e ventro le casi ma era soprattuto 'nu modo pe'
rammiddià caccosa.
Infatti la gente, sintita la filastrocca, offrea pe' ricompensa o n'ovo o n'aranciu
o 'nu carragginu o 'nu puigliu de facioi e de cici, e certe 'ote 'cca
paccuccia.
Le paccucce eranu comme collane fatte co' nu filu de refe addò 'ngi
steanu 'nfilate o le mela 'nfornate o le sorva secche.
Però 'ngi stea pure cacchidunu che te icea "...quatrà non tengo
cosa..." e allora 'ngi remanemmo male, pecchè non sapii se llo feceanu
pe' tirchieria o pecchè non lo teneanu veramente.
Dopo che eranu fattu tuttu ju giro degliu paese, ji quatrani se
sparteanu quelo che eranu raccapezzatu e se-nne reieanu contenti alle
casi.
Ji 'ste filastrocche non me-lle recordea bbone cuscì so' jitu a casa de du' brave
persone 'mpò cchiù anziane de mi e tantu gintirmente e co' tanta pacenzia me l'hau
cantate cuscì le so' putute registra' pe' favve-lle legge e pure sintì.
sinti ji zoffietegli
Ji zoffietegli
Zoffia e zoffietegli
la Pasqua 'egli rovegli
domà che è j’anno novo
che Dio 'nge ju manna bbono,
co' pecore e co' capri
co' mille salutari
di chi so quiji carzoni,
che pinnu a quela loggia
so de…
che ta piglià la moglie,
la pozza piglià bella
devota e santarella
ciringò ciringò
me lo dai sci o no
e se no me-llo voi dà
no' me fa cchiù aspettà.
Tante bricche stau agliu mare
tante belle some 'e ranu,
tanti pinci stau agliu tittu
tante some 'e cannaicciu
sinti la pasquetta
La pasquetta
Domà che è la Santa Pasqua
che benedetta sia
arzate zia Matonna
da quessa pritulicchia,
so centocinquant'anni
te fusci maritata,
sopre palomba
l’aquila rotonta,
sopre l’aquila
le braccia degl’ommini,
sopre le braccia
nu beglio figliu maschiu,
sopre ju figliu
'na rosa e nu gigliu,
na rosa preziosa
che mi dai signora sposa,
se mi dai quattro confetti
te gli sbatto a quissu petto.
Ciringò ciringò
me lo dai si o no
e se no me lo voi dà
no me fa cchiù aspettà.
Tanti busci agliu scallaletto
tanti diauri pe' ju letto.
