Ju fiascu
di P.Tale

Quante cose so' cagnate da quanno ero quatranu ji! Che pò non è che è passatu tantu tempo eh!
Nu non nne rendemo cuntu pe' gnenti delle cummudità che tenemo mò.
Sò cagnate pure le cose cchiù semplici comme presempio beiese 'nu picchiero.
'Na 'ote, quanno se tenea beie se pigliea ju magnero, se 'mpegnea ventro alla conca e se beiea.
A pranzu o a cena, sempre co' ju magnero, se beiea l'acqua cota alla fonte cchiù vicina.
Gli buttigliuni non eranu ancora  stati  'nventati e gli fiaschi eranu merce rara.
A propositu de fiaschi me revè 'mmente 'nu fattu succeso quacche annu addietro.
'Na signora degliu Colle manno' la figlia a Casavecchia, appuntu co' nu begliu fiascu pinu de vinu da portà a 'nu cristianu pe' disubbrigasse de 'nu favore ricevutu.
Non ve pensete lo vinu come quelo che se fa mò, quelo de 'na 'ote, 7 o  8 gradi non de cchiù, che spissu era pure 'mpò asprusu, quelo vineglio  che quanno lo mannii abballe te fecea chiuve j'occhio sinistru. Ma allora quelo cuscì se fecea!
La quatrana mentre calea abballe Mascicozza sbattì pe' sbagliu ju fiascu a nu murittu e se fece nu busciu agliu vetro.
La quatrana 'n principiu pensò che non era succeso gnenti ma apò vedde che lo vinu comenzò a viscì dagliu busciu che s'era fattu propriu sotto la 'mbagliatura degliu fiascu.
Gli pianti se sprecoru... "e mo comme faccio.... mamma massera no' me fa rentrà.... quela me roppe l'ossa... Madonna degliu Carminu aiutame tu..."
Sentenno tutto questo 'na femmona che passea, conosciuta pe' la simpatia, gli domannò "Pupe' ma que è succeso?"
La quatrana gli raccontò ju fattu, e la femmona senza scumpunnese gli respose:
"Ehh pupè.... fosse tuttu quesso lo male! Non te preoccupà che mammota non te 'ice gnenti, non ju vidi che gli busciu è zicu... non se mancu vede! E pò basta che 'ngi sta la salute..."   (e sottovoce)   "...mammota permettenno!".